Rasm E Wafa Nibhana To Ghairat Ki Baat Hai,
Wo Mujhko Bhool Jaye Ye Hairat Ki Baat Hai.
Wo Mujhko Bhool Jaye Ye Hairat Ki Baat Hai.
Sab Mujhko Chahte Hain Ye Shohrat Ki Baat Hai,
Mai Usko Chahti Hoon Ye Kismat Ki Baat Hai.
Mai Usko Chahti Hoon Ye Kismat Ki Baat Hai.
Izhaar E Ishq Kar Hi Diya Mujh Se Aap Ne,
Ye Bhi Janab Aap Ki Himmat Ki Baat Hai.
Ye Bhi Janab Aap Ki Himmat Ki Baat Hai.
Taarif Kar Rahe Hain Sabhi Aaj Kal Meri,
Isme Koi Zaroor Siyasat Ki Baat Hai.
Isme Koi Zaroor Siyasat Ki Baat Hai.
Rakhta Hai Yunhi Yaad Kisi Ko Koi Kahan,
Ye To Bas Apni Apni Zaroorat Ki Baat Hai.
Ye To Bas Apni Apni Zaroorat Ki Baat Hai.
Wo Jis Ko Chahey Apne Karam Se Nawaz De,
Ye To Khuda Ki Bandey Se Nisbat Ki Baat Hai.
Ye To Khuda Ki Bandey Se Nisbat Ki Baat Hai.
Sauda Kisi Se Maine Ana Ka Nahin Kiya,
"Nuzhat" Ye Mere Wastey izzat Ki Baat Hai
"Nuzhat" Ye Mere Wastey izzat Ki Baat Hai
No comments:
Post a Comment